iconstyle.al > Stil jetese > Teknologji > Ndryshimi i ri i “WhatsApp”-it ngjan disi i frikshëm

Ndryshimi i ri i “WhatsApp”-it ngjan disi i frikshëm

Një nga aplikacionet tona të preferuara të komunikimit ka ardhur me të tjera risi, që mund të jenë sa ndihmuese, aq edhe të rrezikshme. Nëse jeni përdorues iPhone mund të përdorni “WhatsApp”-in për të shpërndarë çdo material, për sa kohë nuk i kalon 100 MB. Deri më sot mund të ndanit vetëm dokumente PDF.

Opsionet e reja do t’ju hyjnë shumë në punë, aq më tepër nëse komunikoni me kolegët tuaj nëpërmjet “WhatsApp”-it, por diçka e tillë ju ekspozon më shumë ndaj kriminelëve kibernetikë. Duke qenë se kushdo mund t’ju shkruajë në “WhatsApp”, mund t’ju dërgojnë viruse në formën e këtyre materialeve dhe me një të shkarkuar mund të rrezikoni gjithë privatësinë dhe materialet në telefonin tuaj.

Gjithçka duhet të bëni në të tilla raste është të bllokoni kontaktin dhe në asnjë mënyrë të shkarkoni materialin e dërguar.

iOS-i i ri vjen edhe me një format të ri të të parit të fotove në formë karuseli dhe ju jep mundësi të mbani bisedat tuaja më të rëndësishme në krye, kështu shmangni ato të bezdisshmet.

Burimi: The Independent

Nuk janë emaile të mërzitshme!

Regjistrohu për të zbuluar të vërtetat e të famshmëve dhe trendet e momentit.