Një ngjarje e pazakontë ka ndodhur mëngjesin e kësaj të mërkure në ambientet e shkollës së mesme ‘Hydajet Lezha’ në qytetin e Lezhës.
Mësuesja Majlinda Palushi është goditur me një karrige nga një nxënës i vitit të dytë. Palushi mësohet se ka thyer krahun nga goditja me karrigen.
Ndërkohë në shkollë kanë mbërritur forcat e policisë, të cilat kanë bërë të mundur shoqërimin në komisariatin e Lezhës të nxënësit i cili goditi mësuesen.
Nuk dihen ende motivet e ngjarjes, ndërsa burime bëjnë me dije se mësimi është pezulluar nga mësuesit në shnjë solidariteti për kolegen e tyre. Ata gjithashtu kanë paralajmëruar se nesër do të dalin në protestë për të ‘dënuar’ sjelljen e nxënësve.
