Të dielën u luajt ndeshja e parë në stadiumin e ri “Air Albania Stadium”mes Vllaznisë dhe Apolonisë për femra.
Dy inspektorë të UEFA-s mbërritën për të testuar stadiumin dhe për të parë me detaje të gjithë parametrat para ndeshjes inauguruese mes Shqipërisë dhe Francës.
Për “Report TV”, sekretari i federatës shqiptare të futbollit Ilir Shulku tha se, inspektorët e UEFA-s në përgjithësi ngelën të kënaqur, por lanë disa detyra për t’u përmbushur.
Afati i këtyre detyrave që më së shumti kishin të bënin me pjesën e jashtme të stadiumit, është deri të mërkurën.
“Më konkretisht kishin të bënin me pjesën jashtë, si skeleritë apo sheshi para tij. Përsa i përket pjesës brenda gjithça ishte në rregull, madje edhe fusha e blertë për të cilën u fol disi”, deklaroi Shulku.
