Pavarësisht se jemi zyrtarisht në stinën e pranverës, stina e re ende nuk ka ardhur në zonën e Thethit.
Ky i fundit vazhdon të jetë në pushtimin e dëborës dhe duket se situata nuk të ndryshojë edhe për disa kohë.
Aksi Qafë Thore-Theth mësohet se vijon të jetë i mbuluar nga dëbora.
Ndërsa në vende të caktuara në këtë segment rrugor, bora arrin në 1 metër e gjysmë lartësi.
Por kjo bukuri nuk është shumë e këndshme për banorët e zonës, të cilët duhet të përdorin aksin tjetër për t’u lidhur me Shkodrën, atë që kalon nga Mali i Shoshit, rrugë e cila përshkohet për më shumë se 6 orë për shkak të amortizimit.
