ICONstyle > Modë > Icon Stil > Mos kontrollo më motin: Ja veshjet që i përshtaten çdo temperature

Mos kontrollo më motin: Ja veshjet që i përshtaten çdo temperature

Jemi në vjeshtë dhe moti i paqëndrueshëm, na e kujton këtë çdo ditë. Përveç heqjes së sandaleve dhe ndonjë bluze më shumë me vete, vështirë të kuptojmë se çfarë duhet të veshim, në një kohë të ndërmjetme.

Mëngjeset e freskëta dhe mesdita e nxehtë janë tipike tashmë për vjeshtën, kështu që nëse do vërtet të gjesh një zgjidhje të mesme, për këtë periudhë të vështirë të vitit, stilistët janë gati të sugjerojnë disa zgjidhje.

Janë fundet jashtë limiteve apo duhet t’i zëvendësosh me funde të gjatë? Xhaketë apo pallto? E dimë që keni shumë pyetje, ndaj ju sjellim disa propozime interesante për vjeshtën që nuk do t’ju zhgënjejnë.

Këto veshje i kanë sfiduar temperaturat dhe ofrojnë disa kombinime të përshtatshme që nisin tani e përfundojnë në fund të dimrit.

Një bluzë me mëngë treçerekëshe

Jemi në atë periudhën ku një bluzë me mëngë të gjata të mban vapë, ndërsa me një bluzë me mëngë të shkurtra është freskët. Zgjidhja ideale janë bluzat me mëngë treçerekëshe si kjo e markës Darling (bli këtu).

Fundi poshtë gjurit

Punët në zyrë kërkojnë diçka serioze dhe femërore, fundi ka pikërisht këtë efekt. Fundi Blumarine (bli këtu), i cili ka një material të përshtatshëm për këtë kohë, do t’ju japë zgjidhje dilemës suaj të ditës, pasi është i lehtë për t’u kombinuar me këpucë me taka ose të sheshta.

Xhaketa “must” e zezë

Pavarësisht se keni një stil “casual” apo serioz, një xhaketë e zezë i duhet gardërobës së çdo femre. Me xhaketën e zezë nga DonDup (bli këtu) mund të kombinoni çdo veshje, nga fustanet, te këmishat apo bluzat me mëngë të shkurtra. do të jetë zgjidhja juaj për orët e freskëta të ditës.

Fustani me mëngë të shkurtra

Pavarësisht se jemi gjithmonë të kënaqura me ato që kemi, një fustan “chic” si ky nga Just Cavalli (bli këtu) do të jetë shumë i dobishëm për çdo rast, gjatë ditës dhe për darkat familjare jashtë shtëpisë. Gjithçka që do t’ju duhet është një xhaketë si ajo e mësipërmja dhe ndërkohë që do të dukeni me stil.

Këmisha që të nxjerr nga situata

Ne e dimë që e bardha nuk del asnjëherë nga moda dhe në gardërobën e çdo femre duhet të ndodhen të paktën dy këmisha të bardha, pasi asnjëherë nuk mund t’i besoni gabimeve me njollat. Këmishë e bardhë nga Michael Kors (bli këtu), të cilën e gjeni me 30% ulje, mund ta kombinojnë me funde ose pantallona klasike.

Pallto për udhëtimet jashtë qytetit

Nëse lëvizni jashtë qytetit, atëherë më mirë të siguroheni dhe të mbani me vete një pallto. Pallto Mauro Grifoni (bli këtu 50% ulje) mund ta kombinoni me fustane, pantallona dhe këmishë, në stilin më “chic” apo “casual”.

Burimi: Iconstyle.al

Nuk janë emaile të mërzitshme!

Regjistrohu për të zbuluar të vërtetat e të famshmëve dhe trendet e momentit.