Disa persona kur ndihen të mërzitur me dikë vendosin që t’i shprehin gjërat publikisht.
Të njëjtën gjë ka bërë edhe Anxhelina Hadërgjonaj. Këngëtarja ka qenë mbrëmë duke shëtitur në rrugët e Nju Jorkut. Ajo ka parë një grumbull mbeturinash dhe ka vendosur t’u bëjë atyre një foto nga makina. Një foto kuptimplotë madje.
Bashkangjitur me foton në “InstaStory”, Anxhelina shkruan: “Duke kaluar afër disa njerëzve që kam njohur”.
Nuk e dimë me siguri se çfarë e ka mërzitur kaq shumë bukuroshen, por mund të themi se ajo duket vërtet e revoltuar. Aq sa mjaftoi një grumbull mbeturinash për t’i kujtuar disa prej njerëzve që ka njohur në jetën e saj. Menjëherë mendja na shkoi te ish-partneri i saj Oni Hysenbelliu, por përsa kohë nuk përmenden emra nuk i vëmë dot gishtin.
