Morena Taraku është halla që të gjithë do donim! Këngëtarja e mbush nipin me dhurata

Para pak ditësh Morena Taraku u bë hallë për herë të parë dhe ia uroi mirëseardhjen në jetë nipit në një mënyrë mjaft të ngrohtë.

Përmes postimeve të saj në Insta Story bukuroshja rrëfeu publikisht se është një lumturi e madhe të jesh hallë.

Për të gjithë ata që janë kuriozë, vogëlushi ka një emër mjaft të veçantë, Alk, dhe që tani kanë shpërthyer dhuratat për të.

Këngëtarja ka bërë gati një gardërobë të tërë për të voglin dhe interesante është ideja se veshjet i ka blerë në masa nga më të ndryshmet, në mënyrë që edhe kur të rritet, Alku të ketë disa veshje kujtim nga Morena.

Tashmë mund të themi me plot gojën se këngëtarja është halla që të gjithë do donim!

Dhe jemi të sigurt që shumë dhurata edhe më të mëdha pritet që t’i adresohen vogëlushit  në ditët në vijim.

- Advertisement -