Madeline Stuart, një vajzë 18-vjeçare nga Australia, e lindur me sindromën Down, do të marrë pjesë në “Javën e Modës” këtë vit në New York. Madeline njoftoi për pjesëmarrjen e saj nëpërmjet rrjetit social “Instagram”. Ajo do të modelojë për “FTL MODA”, në bashkëpunim më Christopher dhe Dana Reeve. Sipas “Cosmopolitan”, kompania ka siguruar edhe më parë modele që kanë pasur probleme. Madeline më herët ka punuar edhe me kompaninë e çantave “Ever Maya” e cila publikoi dhe koleksionin me emrin e saj. “Ajo e donte këtë pjesëmarrje dhe punoi fort për të”,- thotë mamaja e Stuart për “Cosmopolitan”. Tashmë puna e saj pritet t’i surprizojë të gjithë.
