Njëherë e një kohë, modelet ishin të gjata, elegante, kryesisht të bardha dhe me një trup të pranueshëm. Sigurisht, ato ishin mahnitëse, por vështirë të reflektonin diversitetin e njerëzimit dhe format e bukurisë që janë po aq të vlefshme.
Tani, bota e modës është duke promovuar modele që devijojnë nga idetë e vjetruara të bukurisë konvencionale. Melanie Gaydos është ndër imazhet e reja që drejtojnë këtë nisëm.
28-vjeçarja amerikane ka një çrregullim të rrallë gjenetik, që quhet “dysplasia ectodermal”, e cila ka penguar zhvillimin e dhëmbëve, thonjve, kërceve dhe kockave. Gaydos vuan gjithashtu nga “alopecia” dhe është pjesërisht e verbër pasi rritja e qerpikët ka gërvishtur sytë e saj.
Ajo tha për “The Independent” në vitin 2015 se ajo ka refuzuar ndërhyrjet, duke përfshirë protezat dhe parukat, sepse ndihet mirë me veten kështu siç është.
Gaydos, e diplomuar për art në Nju-Jork, e urrente t’i bënin foto, por u inkurajua të modelonte nga i dashuri i saj.
Gjatë karrierës së saj, ajo ka punuar me disa fotografë, përfshirë legjendën Eugenio Recuenco.
Megjithatë, ajo shtoi se e ka detyruar veten të “mësojë më shumë se kush jam dhe të ndihem e kënaqur me atë që jam në thelb”.
Gaydos vjen si modele e pazakontë, nga ato të mëdha në moshë dhe mbipeshë, të cilat i shtohen librave të agjencisë së modës.
Burimi: Independent
