Këngëtarja shqiptare Elvana Gjata po ngjit edhe shkallët e suksesit ndërkombëtar në muzikë, duke na bërë krenarë të gjithëve.
Elvana përveç talentit në këngë shquhet edhe për një stil të veçantë në të veshur. Supermodelja dhe aktorja Cindy Crawford ka “kopjuar” fustanin, që Gjata veshi në ceremoninë e “Grammys”.
Këngëtarja shqiptare kishte zgjedhur një fustan të zi me golf e mëngë të gjata, i cili vinte tepër i shkurtër nga këmbët.
Nga ana tjetër supermodelja Crawford postoi dy ditë më parë, në llogarinë e saj në “Instagram”, një fotografi të sajën ku shfaqet e veshur me një fustan thuajse identik si të Elvanës.
Kjo nuk ka shpëtuar pa u vënë re nga fansat shqiptarë, të cilët komentuan menjëherë se origjinaliteti i këtij stili fustani i përket Elvanës.
Nuk është çudi që edhe të huajt frymëzohen nga ne dhe jo vetëm ne prej tyre.
Cilës i shkon më shumë?
