Gërsheti ujëvare është një nga modelet më të përhapura të flokëve kohët e fundit.
Kudo në rrjetet sociale apo edhe në rrugë shohim vajza që e realizojnë dhe sigurisht kemi menduar ‘kushedi sa është munduar derisa e ka arritur këtë rezultat’.
Por jo, ky model flokësh mund të bëhet shumë lehtë madje edhe pa ndihmën e askujt. “Cosmopolitan” shkruan se këtë model flokësh mund ta bësh më lehtë nga sa keni menduar.
Nga pjesa para e flokëve merrni një sasi të vogël dhe ndajeni në tre pjesë të barabarta.
Merrni anën e majtë dhe të djathtë duke i kaluar në pjesën e mesit ashtu si do të bënit me një gërshet normal.
Më pas vazhdoni duke marrë flokë të reja dhe një pjesë të tyre lëshojeni poshtë për të krijuar idenë e ujvarës.
Vazhdoni në këtë mënyrë deri sa të arrini në anën tjetër të kokës dhe ja ku keni realizuar gërshetin më in të momentit.
Ky model flokësh mund të mbahet në çdo pjesë të ditës dhe është lehtësisht i kombinueshëm edhe me veshjet.
