Modelet super të dobëta ndalohen të marrin pjesë në shfaqje mode, reklamime të ndryshme dhe pasarela në shtetin francez.
Franca miratoi më 17 dhjetor ligjin më të ri, i cili kërkon që të gjithë modelet të kenë një raport mjekësor, që tregon se ato janë të shëndetshme.
Në këtë mënyrë, modelet fillimisht duhet të pajisen dhe të tregojnë certifikatën e mjekut, se ajo ka masë të lejuar që të punojë si modele.
Në mënyrë që të ndalohet trendi i modeleve shumë të holla, është caktuar Indeksi i Masës Trupore. Mjekët do të llogarisin nëse pesha, gjatësia, mosha dhe masa e modeles është në rregull, e më pas do t’i lëshojnë certifikatën.
Ligji i ri kërkon gjithashtu që revistat që përdorinin Photoshop apo programe të tjera për të bërë një trup më të ngushtë apo më të gjërë, duhet të etiketojnë në foto “e edituar”.
Kjo ka nxitur protestë nga agjencitë e ndryshme të modës, që e kanë kundërshtuar një gjë të tillë. Të gjitha ata që angazhojnë një modele pa përmasat e lejuara, dënohen me gjashtë muaj burg dhe 75 mijë euro gjobë.
Nismë për të miratuar këtë ligj u bë “moda” e shfrenuar e të rejave për të qenë sa më të dobëta. Kjo pasi vetëm në Francë 40 mijë persona, pjesa më e madhe adoleshentë, vuajnë nga anoreksia nervoze.
