Helmut Newton është frymëzues i shumë fotografëve se si të sjellin bashkë të ndërthurur modën me artin dhe erosin. Duke eksploruar në punën e fotografit francez, femra shfaqet elegante, e fuqishme dhe sensuale.
Në mesin e 26 fotografive origjinale bardhë e zi shfaqet edhe një foto e Jerry Hall me një kostum banjo duke hedhur ujë mbi një modele.
Ekspozita është një nga më të mëdhatë e këtij lloji për shumë vite në Londër. Fotografitë përfshijnë portretin e Rue Aubriot të marra në Paris në vitin 1976. Në këto fotografi është e përfshirë edhe aktorja Vibeke Knudsen në një sesion për “Yves Saint Laurent”.
Lidhur me këtë realizim fotografi dha një intervistë në “New York Magazine” në vitin 1988. “Vibeke ka qenë një vajzë me të cilën kam punuar shumë shpesh. Ideja ishte një burrë-grua që qëndronte natën në rrugët e Parisit, ku kam jetuar për 14 vite”, u shpreh Newton.
Ai rrëfeu se e kishte shumë të vështirë që të realizonte idetë e tij në studio të mbyllura, duke u zhvendosur më pas në ambiente të hapura. Fotografitë e realizuara në vitet ’70-’80 tregojnë se vazhdojnë të krijojnë një impakt magjepsës.
