Universitetet në Shqipëri janë të mbyllura që prej marsit të vitit që lamë pas, teksa në vendin tonë u konfirmuan rastet e para me COVID-19. Prej atëhere mësimi është ndjekur online, shoqëruar me problematika të shumta.
Edhe pse studentët nuk kanë qenë të pranishëm në auditore, atyre i është kërkuar të paguajnë tarifën e plotë të studimeve që kap shifra relativisht të larta. Një pjesë e madhe e studentëve kanë pasur probleme me internetin, madje disa nuk kanë pasur as akses, duke e bërë të pamundur ndjekjen e mësimit online.
Të rinjtë janë detyruar të paguanë vetë shpenzime ekstra që i janë dashur për mësimin online duke filluar nga paketat e internetit, lidhjet wireless, paisjet e nevojshme si PC e tableta, libra e leksione për të printuar.
Një ndihmë nga qeveria jo vetëm që nuk vjen, por një pjesë e universiteteve pezullon nëpër provime edhe nxënësit që e kanë të pamundur aksesin në një kompjuter apo internet.
Studentët kanë denoncuar se disa prej univeristeteve kanë vendosur kërkesa për pjesëmarrjen në provime, duke kërkuar kompjuter dhe internet cilësor, që ata të zhvillojnë provimet online.
Në faqen “Studentët Denoncojnë” në Instagram, dikush ka treguar se e ka të pamundur të futet në provim për shkak të mungesës së kushteve, por qeveria si sillet në këtë situatë? Ku është ndihma e saj?
Mungesa e përgjegjësisë së qeverisë në këtë situatë dhe asnjë ndihmë nga ana e saj për studentët, detyrimisht i pezullon të rinjtë për të ndjekur shkollën.
Nuk është hera e parë që “Iconstyle.al” e trajton këtë shqetësim, duke i bërë shpesh thirrje qeverisë për ndihmën që ajo duhet t’i japë studentëve në një kohë kaq të vështirë.
Së pari, studentëve dhe nxënësve duhet t’u krijohet mundësia që t’u jepen falas tabletat apo laptope si dhe interneti cilësor. Vetëm në këtë mënyrë mësimi do jetë gjithëpërfshirës dhe nuk do krijojë boshllëqe.
Së dyti, studentët nuk duhet të paguajnë(të plotë) tarifën vjetore. “Iconstyle.al” prej kohësh e ka ndjekur me shqetësim këtë çështje, pasi kur viti akademik po zhvillohet online, atëherë përse studentët duhet të paguajnë të njëjtin çmim tarife si në kushte normale? Duke qenë se platformat online kanë edhe koston e tyre shtesë për pagesën e internetit në shtëpi, studentët nuk duhet të paguajnë tarifën e plotë studimor.
Së treti, ashtu siç edhe QQ sugjeron, nevojitet ndryshimi i ligjit 80/2015 duke parashikuar “distance learning” si një nga format e mësimdhënies në arsimin e lartë.
/Iconstyle.al
