Është e pamundur ta kalosh fundjavën pa një gotë verë, ta zgjedhësh atë si një “krah” ku të mbështetesh për të shfryrë streset e ditës apo si një mënyrë për t’u mbledhur me miqtë në shtëpi gjatë ditëve të ftohta.
Vera është një mënyrë shumë e mirë për të na bashkuar me njerëzit, në raste të veçanta apo në përditshmëri. Dhe nuk është vetëm një kënaqësi, por shkenca ka provuar se pirja e moderuar, mund të ketë një efekt mbrojtës, veçanërisht për zemrën e trurin. Kjo është një arsye e mirë për të trokitur gotat dhe për të bërë gëzuar me verë.
Por do të quhej “mëkat” nëse këtë nuk do ta bënit me gotat e duhura. Ndaj koleksioni “Purismo” nga “Villeroy&Boch” ju lejon që t’i shijoni verërat në mënyrën e duhur. Ky koleksioni kristali, dallon për dizajnin e tij pa kohë, ndërsa është i përshtatshëm për çdo rast: nga darkat intime me partnerin te ato me mysafir.
Pini më shumë verë të bardhë apo të kuqe? Pavarësisht se më parë nuk i keni dhënë shumë rëndësi, ditët e sotme në koleksionin e serviseve janë dy sete gotash për secilën verë. Dy verat serviren me gota të ndryshme, në mënyrë që të ruajnë shijen e tyre në mënyrë të pacenuar. Në koleksionin “Purismo” gjenden setet e gotave për të dyja llojet e verës: për atë të kuqen, të cilat vijnë në formë të rrumbullakët dhe për verën e bardhë që kanë më tepër gjatësi.
Ideja e uljes së temperaturave dhe ardhja e sezonit të shirave, na çon me mendje te imazhet e çlodhjes pranë oxhakut me një gotë verë. Dhe koleksioni “Purismo”, që e gjeni në dyqanin e “Villeroy & Boch” në Qendrën Metropol, në Tiranë, kompleton këtë imazh në mënyrën e duhur.
Për të dashuruarit pas pijes së martinit? Pija duket aq freskuese sa edhe shijon, kur serviret me gotat e koktejeve “Purismo”. Të realizuar nga xhami kristal dhe i dizajnuar pikërisht për pijen tuaj të preferuar, secila gotë duhet për ta shijuar pijen në çdo orë të ditës, kur dëshiron të festosh ose të largosh stresin e ditës.
Pavarësisht se e doni martinin shqeto ose me ndonjë ulli, këto gota elegante do të bëjnë që rezultati të duket aq i shijshëm, sa është në të vërtetë. Ato e bëjnë gjithçka që vendosni brenda tyre të duket bukur dhe e freskët.
Të gjithë duam të bëjmë një paraqitje të mirë kur vijnë mysafirë dhe gotat kanë një impakt të rëndësishëm, në këtë pjesë.
Nga ana tjetër, mund të jenë dhurata juaj ideale për dikë që ka marrë një shtëpi, për çiftin e sapomartuar apo për ditën speciale të një të afërmi tuaj.
Burimi: Iconstyle.al
