Të gjithë e kemi provuar të paktën njëherë atë ndjesinë kur nuk mendojmë gjë tjetër veçse për një copë çokollatë apo tortë.
Por tani, ekspertët australianë po paralajmërojnë se këto dëshira dhe nepse që na lindin vazhdimisht, mund të jenë një shenjë paralajmëruese se trupit tonë i mungojnë lëndët ushqyese bazë.
Dietologia e Body Catalyst, Sandra Cooty, tha se ka më shumë sesa thjesht një neps për ushqime të caktuara, pra ka një shkak përse ne na shkon mendja për çokollatë, apo dhe ushqime të tjera.
Për shembull kur na hahet çokollatë apo ushqime me përmbajtje të lartë sheqeri, trupi ynë ka nevojë për magnez.
Për të plotësuar nevojat e trupit, në vend të çokollatës mund të konsumojmë fruta të thata.
Nëse nuk ngopeni me bukë, atëherë trupi juaj ka nevojë për nitrogjen dhe kjo mund të rregullohet duke ngrënë ushqime me proteina siç janë mishi i kuq, vezët, gjiza dhe ton.
Dëshira për alkool tregon nevojën për marrjen e proteinave, kalciumit dhe kaliumit.
Nëse i keni fiksim biskotat dietologia sugjeron se mund të keni nevojë të rritni konsumin tuaj të karbonit, kromit, fosforit dhe squfurit.
