Kryeministri Edi Rama ka paralajmëruar të gjithë bizneset që janë hapur, se duhet të disponojnë dokumentin e lëshuar nga e-albania, që nga e hëna e 27 prillit.
Nëpërmjet një njoftimi në Facebook, kreu i qeverisë njfton se këtë javë do të ketë inspektime nga task Forca ANTICOVID-19, e cila do të vendosë gjoba në rast shkeljeje të protokollit.
Biznesi duhet të tregojë vërtetimin e lëshuar nga portali online dhe protokollin përkatës të sigurisë.
Ndërkohë, më 27 prill do të hapet blloku i dytë i bizneseve, gjithnjë mbi bazën e rregullave dhe protokolleve të caktuara për të respektuar masat kundër COVID-19.
? KUJTESË!
ÇDO BIZNES I LEJUAR PËR HAPJE DUHET TË DISPONOJË NË MJEDISIN PËRKATËS VËRTETIMIN NGA www.e-albania.al DHE PROTOKOLLIN PËRKATËS TË SIGURISË, DUKE FILLUAR NGA E HËNA 27 PRILL!
TASK-FORCA NDËRINSTITUCIONALE ANTICOVID19 DO TË INSPEKTOJË DHE SANKSIONOJË, NË BAZË TË AKTIT NORMATIV DHE TË KODIT PENAL ÇDO BIZNES QË NUK DO TË KETË DOKUMENTACIONIN PËRKATËS, SI EDHE KUSHTET E PËRCAKTUARA NGA PROTOKOLLI?
