iconstyle.al > Aktualitet > Mbytet e moshuara në plazhin e Velipojës, publikohen pamjet tronditëse

Mbytet e moshuara në plazhin e Velipojës, publikohen pamjet tronditëse

Mungesa e rojeve në plazhet e vendit dhe vonesa e ambulancës vijojnë të jenë një nga problematikat më të mëdha në këtë sezon vere.

Një tjetër e moshuar rreth 70 vjeçe është mbytur në një plazh në Velipojë, ku mungonin rojet.  Dyshohet se gruaja ka pasur një problem me zemrën dhe nuk ka mundur të dalë nga deti.

Ndonëse jo në territorin e tyre, vrojtuesit e një resorti privat i kanë dhënë menjëherë ndihmën e parë.

Por pushuesit kanë deklaruar se ambulanca ka vonuar më shumë se 30 minuta dhe kjo ka bërë që gruaja të ishte pa puls në momentin kur kanë mbërritur bluzat e bardha.

“BalkanWeb” ka siguruar pamje nga vendi i ngjarjes ku duken njerëz të shumtë të mbledhur dhe e moshuara që nxirret nga uji.

Pushuesit duken të tronditur dhe dëgjohen thirrjet e disa grave. Për disa çaste ata i bëjnë masazh zemre por pa mundur ta rikthejnë në jetë gruan.

Nuk janë emaile të mërzitshme!

Regjistrohu për të zbuluar të vërtetat e të famshmëve dhe trendet e momentit.