Një ndër problemet kryesore që përballen shumë vajza e gra, janë flokët që rriten ngadalë, ose kanë pësuar rënie.
Në ndihmë ju vjen kjo maskë natyrale, pa koncentrate dhe pa materiale kimike e të dëmshme.
Maska përbëhet nga mustardë pudër, i cili është dhe përbërësi kryesor që e bën flokun të rritet, pasi pastron rrënjën dhe nxit qarkullimin e gjakut.
Mustarda është produkt që përdoret gjerësisht për shije në produktet e fast-food, sidomos për të shoqëruar salsiçet.
Cilët janë të gjithë përbërësit e kësaj maske:
-Dy lugë gjelle mustardë pudër
-10 lugë gjelle uji për ta tretur
-Një e verdhë veze
-Dy lugë gjelle vaj ulliri
-Pak sheqer
Përgatitja:
Shtoni mustardën pluhur në një enë të vogël dhe më pas hidhni ujin e ngrohtë. Përziejini mirë, derisa të fitoni një lloj paste.
Më pas, hidhni në të vezën dhe vajin e ullirit dhe përziejini derisa të përftoni një masë homogjene. Aplikojeni atë vetëm në rrënjët e flokëve.
Flokët duhet të jenë të thatë dhe të palarë. Për t’iu dhënë akoma më shumë shkëlqim, mund të aplikoni mbi to edhe pak vaj kokosi.
Mbulojeni kokën me një peshqir dhe lëreni maskën të veprojë për rreth 5 minuta. Më pas, lajini flokët si zakonisht. Përsëriteni këtë procedurë, jo më shumë se një herë në javë.
Mund ta përdorni për një periudhë prej 5 deri në 7 javë për rezultate optimale.
Shënim: Nëse keni lëkurë të ndjeshme, duhet ta shmangni këtë maskë, sepse mund t’ju shkaktojë ndonjë reaksion alergjik.
