Në kuadër të masave të ndërmarra për të parandaluar përhapjen e Koronavirusit në vendin tonë, një tjetër institucion do të mbyllet nga sot.
Bëhet fjalë për Bibliotekën Kombëtare e cila do të qëndrojë e mbyllur deri më 3 prill.
Njoftimi i cili vjen pas identifikimit të 10 rasteve me Koronavirus në Shqipëri, është bërë në faqen zyrtare të Bibliotekës:
Njoftim i plotë:
Në zbatim të masave paraprake të ndërmarra për të parandaluar përhapjen e COVID 19 në Shqipëri, renditet edhe:
Anulohen grumbullimet masive, aktivitetet sportive, kulturore, konferenca, dëgjesa publike deri më datë 3 prill 2020.
Sa më lart, Biblioteka Kombëtare do të qëndrojë e mbyllur për lexuesit dhe anulon veprimtaritë e kalendarit kulturor nga data 10 mars deri më datë 3 prill 2020.
Ju falënderojmë për mirëkuptimin!
