Pas luftës së vështirë me Covid-19, duket se situata në Malin e Zi po qetësohet dhe vendi është gati t’i kthehet normalitetit.
Autoritetet vendase kanë treguar se gjatë 24 orëve të fundit nuk është shënuar asnjë rast i ri me Covid-19.
Deri tani, numri i personave të infektuar me koronavirus në Malin e Zi ka shkuar në 321.
Sipas Institutit të Shëndetit Publik, 153 persona janë shëruar plotësisht, pasi testet e tyre të fundit kanë rezultuar negative.
Fatkeqësisht, Mali i Zi numëron shtatë jetë të humbura për shkak të Covid-19.
Qeveria e vendit ka bërë të ditur se prej datës 4 maj, mbajtja e maskave mbrojtëse në ambienete të mbyllura do të jetë e detyrueshme, ndërsa qytetarët duhet të mbajnë distancën nga njëri-tjetri.
Gjithashtu do të hapen dyqanet, parukeritë, palestrat, shërbimet taksi, klinikat dentare dhe punishtet artizanale.
Kështu, Mali i Zi do t’i kthehet dalëngadalë jetës normale.
