iconstyle.al > Aktualitet > “Ma sillni ta djegë të gjallë!” Gjyshi i autorit të vrasjes së 8-fishtë bën kërkesën e veçantë

“Ma sillni ta djegë të gjallë!” Gjyshi i autorit të vrasjes së 8-fishtë bën kërkesën e veçantë

Mbrëmjen e ditës së premte mbarë opinion shqiptar u trondit nga masakra e Selenicës, ku ngelën të vrarë 8 persona. 24-vjeçari Ridvan Zykaj qëlloi për vdekje 8 kushërinjtë e tij dhe më pas u largua nga vendngjarja.

Pas operacionit të policisë u arrit që ai të arrestohet dhe ndërkohë pasi është marrë në pyetje nuk është shprehur i penduar për krimin që ka bërë.

Mësohet se prindërit e tij janë larguar nga fshati pasi djali i tyre bëri krimin e rëndë. Ai që ka ngelur në shtëpinë e tyre është gjyshi, Kujtim Zykaj, vëllai i njërit prej viktimave, Demirit, i cili ka shkuar për ngushëllim në familjen e vëllait.

Mësohet se ai ka qenë mjaft i revoltuar për aktin e rëndë që bëri i nipi dhe ka kërkuar që t’ia sjellin se do t’ia marrë vetë ai jetën.

“Ma sillni, edhe pse e kam nip, do ta djeg vetë të gjallë”, ka thënë Kujtimi.

Kujtojmë që një ditë më parë gjyshi i Ridvanit tregoi edhe momentin kur pa viktimat në oborr.

“Për të më bërë mua gropën e bërë këtë gjë. Erdhën te shtëpia ime dhe atje bëmë drekën. U ngrit më para dhe unë se kuptova iku më parë i ati dhe e ëma. I thashë ku do vesh. Më tha do lëshoj dhëntë. Iku dhe erdhi këtu. Unë vija gjithmonë dhe llafosesha me byrazerin. Dëgjuam llamarinat, një zhurmë. Iku djali me nusen. Vij unë dhe nuk shoh njeri. Pastaj pashë tim vëlla të vrarë me kokën poshtë. E mora atë e ujdisa dhe kunatën. U ktheva këtej gjeta nipin të vrarë me të shoqen. Më e rëndë ishte kur gjeta nipin e vogël, niposhin. Erdha këtu më vonë nuk dija nga të bëja, ulërisja kot njeri nuk më dëgjonte. Mblodha trupat. Jo nuk ka pasur debate. Del nashi sikur është i pirë. Ai piu një birrë në tavolinë dhe njërën e mori me vete. Unë nuk jetoj me Ridvanin, jetoj me djalin tjetër”, është shprehur gjyshi i Ridvanit.

Burim: Balkanweb

Nuk janë emaile të mërzitshme!

Regjistrohu për të zbuluar të vërtetat e të famshmëve dhe trendet e momentit.