Lulet, modë apo art?

Pak aksesorë kanë ngjallur kaq shumë komente sa kurorat e luleve, të para shpesh në festivale neo-hippie. Pavarësisht kritikave të shumta, këta aksesorë dekorativë, përdorimi i të cilëve në mitologji dhe art, gjendet shpesh nga qytetërime të lashta, nuk kanë dalë aspak nga moda. Mjafton të kujtojmë aktoren Fan Bingbing në tapetin e kuq të Kanës apo edhe ekspozitën  “Fridamania”, në kopshtin botanik të New Yorkut, ku detajet inspiruese ishin pikërisht lulet që piktorja meksikane Frida Kahlo i përdorte shpesh.

Në shoqëritë agrare, nga lidhja e ngushtë me tokën dhe stinët, kurorat me lule kishin një simbolikë të veçantë. Vendosja e tyre në ceremoni dhe rite të ndryshme, tregonte gjithashtu status social. Gjuha e luleve dhe bimëve ishte tepër e njohur. “Ka rozmarinë që shërben për të kujtuar. Të lutem kujtohu i dashur! Ka dhe violë, për mendimet,” – thotë Ofelia në veprën “Hamleti”.

Plot me kuptim, kurorat me lule përdoreshin si traditë nga vendet më të largëta si Rusia dhe Hawaii.

Me rritjen e industrializmit, kurorat me lule u kthyen në një simbol të jetës së thjeshtë të fshatit (kujtojmë Maria Antonetën). Ndërkohë, nuset e vazhduan traditën e vendosjes së luleve gjatë dasmës.

Cikli i muajve

Dita e Majit, një ritual i vjetër i festimit të ardhjes së pranverës nga qytetërimet e lashta. Gjatë festës mbaheshin kurora me lule.

Flora

Kur Rembrandi pikturoi Florën, perëndëshën e Natyrës, sigurisht që i shtoi edhe një kurorë me lule sipër kokës.

Ofelia

Heroina tragjike e Shekspirit, Ofelia, jo vetëm ishte e mbuluar me lule, por ishte dhe një njohëse e mirë e tyre dhe e simbolikës që mbartnin.

Tatiana Papamoskou

Tatiana Papamoschou gjatë rolit si heroina tragjike e mitologjisë greke, në vitin1977.

Karlota Gris

Portreti i Karlota Grisit në pjesën e baletit “Giselle”. Në këtë balet të famshëm, protagonistja Giselle, kurorëzohet si Mbretëresha e Korrjeve.

Elizabeth Taylor

Në martesën e saj me Richard Burton, në vitin 1964, aktorja vendosi lule në kokë gjatë ceremonisë.

Jane Birkin

Aktorja në “Wonderwall”, 1968.

Frida Kahlo

Pas martesës së saj me Diego Riviera, që njëherë e një kohë preferonte veshjet e meshkujve, futi elemente tipike meksikane në veshjet e saj. Gjithashtu me përdorimin e luleve në flokë, u kthye në një ikonë mode.

Kirsten Dunst

Në rolin e Maria Antonetës, ku dihet se ajo i përdorte tej mase dekorimet në flokë, sidomos lulet. Kurorën e vendosi kur shkoi në vilën e saj në fshat.

Karlie Kloss

Karlie Kloss për “Dolce & Gabbana”, ku tashmë dihet se kurorat me lule u kthyen në trend nga ky brend.

*Publikuar në revistën “ICON” nr. 3