Ish-konkurrentja e “Big Brother VIP Albania 4”, Loredana Brati, ka reaguar pas shpërndarjes së disa fotove që po bëjnë xhiron e rrjetit, ku ajo shihet krah Jozit. Përmes një mesazhi drejtuar ndjekësve të saj në kanalin “Lori’s People”, Loredana ka sqaruar se këto imazhe nuk janë reale, por janë krijuar nga Inteligjenca Artificiale. Ajo kërkoi që shpërndarja e këtyre fotove të ndalojë menjëherë, duke i cilësuar ato si “dashakeqe” dhe të dëmshme për publikun.
Loredana theksoi se fotot e krijuara me AI krijojnë keqkuptime dhe disinformacion, duke shtuar se ato nuk pasqyrojnë realitetin dhe janë një formë mashtrimi. Ajo kërkoi që të ndalohen për të mos vazhduar përhapjen e këtyre imazheve të rreme.
Përveç sqarimit të situatës, Loredana shfrytëzoi rastin të falënderojë fansat e saj për mbështetje, duke thënë se ata kanë qenë forca e saj më e madhe gjatë periudhave të vështira. “Mbështetja e juaj ka qenë drita në momentet më të errëta të jetës time,” shprehet ajo.
Ky reagim i Loredanës vjen pas disa spekulimeve dhe thashethemeve lidhur me marrëdhënien e saj me Jozin, që u diskutua shumë gjatë qëndrimit të tyre në “Big Brother VIP Albania 4”. Pas daljes nga reality show, romanca e tyre nuk mbijetoi, dhe ky reagim është një përpjekje për të mbyllur kapitujt e së kaluarës dhe për të ndaluar shpërndarjen e spekulimeve teknologjike që po përpiqen të risjellin vëmendjen te një histori tashmë e mbyllur.
