Janë të shumtë donatorët e huaj e shqiptarë, që kanë dhuruar shuma goxha të mëdha për t’u ardhur në ndihmë të prekurve nga tërmeti.
Lista përfshin shtete, komuna, individë, biznese e organizata, secila me shumat përkatëse të deklaruara në media.
E ndërsa në diskursin politik ka shpërthyer debati mbi transparencën e donatorëve, nisur edhe nga takimi i pak orëve më parë mes kryeministrit Rama dhe Komitetin Kombëtar të Rindërtimit, disa emra mund t’i përmendim me siguri për kontributin e tyre në rimëkëmbjen e të prekurve nga tërmeti.
Vullnet Sinaj, i cili është deputet i PS-së dhe aksioneri kryesor i Big Market ka vendosur të dorëzojë pagën e nëntorit për të ndihmuar familjet e dëmtuara. Veç rrogës, ai ka deklaruar se do të japë edhe 100 mln lekë të vjetër nga llogaria e tij personale.
“Big Market” ka qenë një ndër donatorët më të mëdhenj që ka qëndruar pranë shqiptarëve në këto momente jetike duke iu bashkuar thirrjes për të kontribuar në këto ditë të vështira, me dhurimin e plot 100 mijë eurove në llogarinë e krijuar për tërmetin.
Besueshmërinë e këtij donacioni e kemi vënë re që nga dita e parë pas tërmetit shkatërrues, kur “Big Market” ka ofruar ndihma materiale dhe ushqimore për t’ua lehtësuar sadopak situatën të prekurve nga tërmeti.
Për të vijuar me emrin e dytë të listës së donatorëve të mëdhenj, duhet të përmendim atë të biznesmenit Shefqet Kastrati, i cili është solidarizuar me tragjedinë nga tërmeti që goditi Shqipërinë duke dhënë urdhër për të mos marrë asnjë pagesë nga askush që ka kaluar apo kalon nëpër Rrugën e Kombit për ndihmë.
Kastrati gjithashtu ka deklaruar dhurmin e 1.5 milionë eurove për familjet e prekura në qarkun e Tiranës dhe të Durrësit, por që mbetet për t’u faktuar.
Ne kemi krijuar një listë me dhuruesit më të mëdhenj që janë përfolur në media këto ditët e fundit, që prej tërmetit të 26 nëntorit.
Elvis Naçi është një ndër emrat e radhës që ka krijuar besueshmëri edhe rrjedhimisht ka mbledhur një shumë të madhe parash nëpërmjet fondacionit të tij. Sot ai deklaroi se shuma ka arritur në 2 milionë euro dhe se kjo shifër do të vijojë të rritet edhe më tej!
Megjithatë, në tryezën e Këshillit të Ministrave, ku kryeministri Edi Rama mblodhi Komitetin Kombëtar të Rindërtimit, pas tërmetit tragjik të 26 nëntorit, imami u shpreh se nëse nuk bëhen transparente donacionet, ai dhe gazetari Marin Mema do të largohen nga ajo tavolinë.
Fondacione+Kompani të tjera
Grupi Balfin (Samir Mane)– 1.2 milionë euro
“Fundjavë Ndryshe” (Arbër Hajdari) –1.7 milionë dollarë.
Soros, Fondacioni Shoqëria e Hapur për Shqipërinë -500 mijë dollarë
“Salillari”-1 mln euro
Banker Petrolium-1 mln euro
EHW-200 mijë euro
Koncensionari i aeroportit “Nënë Tereza”-1 mln euro
Kompania “Gener 2”-ofroi ndërtimin e 20 apartamenteve ku do të strehohen plot 20 familje që kanë mbetur në qiell të hapur. Gjithashtu familja e Bashkim Ulaj ka njoftuar se do të kontribuojë edhe me 1 mln euro.
………………………………………………………
Shtete+Komuna
Kosova -500 mijë euro për të prekurit nga tërmeti
Kuvendi Komunal i Mitrovicës- 20 mijë euro
Komuna e Prishtinës – 50 mijë euro për Shqipërinë
Bullgaria – 100 mijë euro
Azerbajxhani – 500 mijë euro
Maqedonia e Veriut-100 mijë euro
Turqia-Ndërtimi i 500 shtëpive për të prekurit nga tërmeti
Kroacia – ndihma monetare në vlerën e 134 mijë eurove
Emiratet e Bashkuara Arabe- 3 mln euro
Arabia Saudite- 10 mln dollarë
………………………………………………………………………….
Individë +Personazhet e njohur:
Behxhet Pacolli: 1 milion euro
Papa Françesku-100 mijë euro
Ardit Gjebrea -fitimet e festivalit “Kënga Magjike” që besohet se shkojnë mbi 100 mijë euro
Marin Mema dhe organizata “Rrënjët shqiptare” në SHBA – 1.3 mln dollarë
Ermal Fejzullahu-100 mijë euro
Bebe Rexha-100 mijë euro
Përtej besueshmërisë që kanë krijuar 3 donatorët e parë në këtë listë, (Big Market, Kastrati, Elvis Naçi), shumës së bërë publike nga shtetet dhe ajo e Papa Françeskut; emrat e tjerë të renditur mbeten për t’u parë.
Shpresojmë që ndonjë biznesmen të mos bëjë fatura fiktive në mënyrë që t’i përdorë për të ulur taksat ose ndonjë fondacion mos të “harrojë” të bëjë transparencën që mesa duket Elvis Naçi dhe Marin Mema fatmirësisht kanë deklaruar që do e monitorojnë edhe tek të tjerët.