Kylie Jenner është shtatzënë e pret fëmijën e saj të parë. TMZ ishte media e parë që raportoi se 20-vjeçarja po pret një fëmijë me reperin Travis Scott, me të cilin është lidhur që nga muaji prill.
Njerëzit nisën të konfirmonin lajmin emocionues të premten, duke thënë: “Ata filluan t’u tregonin miqve disa javë më parë. Familja e di këtë gjë prej shumë kohësh dhe është vërtet e ngazëllyer, po ashtu dhe Travis!”.
Burimet gjithashtu i thanë TMZ-së se Kylie, “filloi t’u tregonte miqve muaj më parë lidhur me shtatzëninë e saj”, ndërsa Travis u ka thënë miqve se ata janë duke pritur një vajzë.
Travis në fakt na dha një detaj që në qershor, por askush nuk e kuptoi se për çfarë flitej. “Zyrtarisht dita më e lumtur e jetës sime”, shkroi reperi në “Twitter” më 12 qershor.
Një burim ka thënë për “Daily Mail” se Kylie është rreth katër muaj shtatzënë. Ndërsa një tjetër ka thënë se 20-vjeçarja është shumë e lumtur:
“Është e papritur, por një ngjarje e mrekullueshme, për të cilën ajo nuk mund të ishte më e emocionuar”.
Kylie nisi lidhjen me reperin në prill, pas ndarjes nga i dashuri i saj prej vitesh Tyga. Ne nuk e kemi parë që pas festës së 20-vjetorit në gusht, ku e mbuloi barkun me një veshje të gjerë.
Në fakt fëmija i saj nuk do të jetë i vetmi që do të vijë në familjen Kardashian-Jenner, pasi edhe Kim dhe Kanye presin fëmijën e tyre të tretë përmes një nëne surrogate.
Burimi: Pop Sugar/Daily Mail
