Ky stili i Jennifer Lawrence është trendi më “chic” i verës

Ndërsa veshjet “crop top” janë në mënyrë definitive stili i festivalit dhe i kësaj vere, lërjani në dorë Jennifer Lawrence për t’iu treguar se si ta kombinoni elementin kryesor të këtij sezoni në qytet.

Lawrence zgjodhi diçka elegante, me një kanotiere dhe fund të ngushtë nga koleksioni i Michael Kors.

Aktorja 24-vjeçare, e cila është në kërkim të një shtëpie në Tribeca, e bëri veshjen e pasarelës të dukej moderne dhe e freskët. Veshja e sipërme kishte paraqitjen e modelit të bikinit të stilit nga vitet ’50, ndërsa fundi ishte pas trupit me një të çarë nga pas.

Për të kompletuar paraqitjen kishte veshur sandale me rripa dhe një kulet nga Roger Vivier si pasqyrë, të kombinuar me varëse, për të shtuar shkëlqim.

Burimi: Vogue