Qytetarët e Korçës janë zgjuar me lëkundje tërmeti këtë mëngjes të mërkure.
Sipas Qendrës Europiane të Tërmeteve lëkundja ka qenë e magnitudës 3,5 të shkallës Rihter, në orën 08:30.
Epiqendra e lëkundjes së tërmetit ka qenë 17 kilomentra larg qytetit, por banorët raportojnë se lëkundjet kanë qenë të fuqishme dhe janë ndjerë edhe në qytet.
Përveç frikës që ka shkaktuar te banorët nuk raportohet për dëme në njerëz apo materiale.
Kohët e fundit, vendi ynë është lëkundur herë pas here nga tërmete të ndryshme, që sipas sizmiologëve lidhen me tërmetin e 26 nëntorit.
