Ky është shteti më i mirë në Europë për të krijuar familje

Norvegjia është shteti më i mirë në Europë për të nisur një familje, zbuloi një studim i ri. Prindërit e vendit skandinav mund të marrin si përfitime një shumë prej 52,780 paund, ekuivalentin e 15 muaj të pagës mesatare kombëtare.

Studimi i kryer nga uebsajti i ruajtjes së parave, Voucher Box, analizoi amësinë, atësinë dhe përfitimet e tjera prindërore në Europë, duke marrë në konsideratë të dyja, kontributet e shtetit dhe të punëdhënësit.

Norvegjia ndiqej nga Suedia në vend të dytë, ndërsa Finlanda dhe Danimarka ishin respektivisht në vend të pestë dhe të gjashtë. Britania e Madhe vjen pas Francës në vend të tetë, ndërsa Irlanda vjen në fund të listës. Vendet e Evropës veriore njihen prej kohësh për cilësinë e jetës, ndërsa Danimarka radhitet si vendi më i lumtur në botë.

10 vendet e para në listë:

Norvegji: 52,780£

Suedi: 37,469£

Gjermani: 31,794£

Austri: 29,433£

Finlandë: 22,312£

Danimarkë: 20,741£

Francë: 17,393£

Britania e Madhe: 16,758£

Zvicra: 11,916£

Republika Çeke: 11,342£

Burimi: Harper’s Bazaar