Një foto e 38-vjeçarit që u vra nga babai i vajzës që dashuronte, është publikuar sot në media.
51-vjeçari Rezmi Caushaj vrau me thikë të dashurin e vajzës, pasi nuk e aprovonte lidhjen e tyre. Ngjarja e rëndë ndodhi të mërkurën në zonën e Unazës së Re. Caushaj e kishte ftuar 38-vjeçarin në kafe ku edhe e ka qëlluar me thikë. Dy burrat fillimisht kanë debatuar me njëri-tjetrin dhe më pas 51-vjeçari e ka qëlluar me thikë.
Olsi Lelo mbeti i plagosur me thikë dhe për pasojë ndërroi jetë dje në spital. Ndërkohë dy ditë pas ngjarjes, detaje të reja kanë dalë në dritë. 38-vjeçari kishte qenë i martuar më parë, ndaj edhe 51-vjeçari Rezmi Caushaj ishte kundër kësaj marrëdhënie dhe kishte tentuar disa herë ta ndante Lelon nga e vajza e tij.
Po ashtu thuhet se babai e kishte dhunuar disa herë vajzën 23-vjeçare, madje kjo e fundit kishte kërkuar edhe urdhër mbrojtje nga policia.
