Finalja e “Miss Universe 2015” përfundoi me konfuzion dhe rrëmujë pasi prezantuesi deklaroi si fituese Miss-in e gabuar.
Ariadna Gutierrez Arevalo u kurorëzua si më e bukura e Universit dhe po qëndronte para skenës për të festuar me publikun e Las Vegas-it, kur moderatori i turpëruar Steve Harvey lajmëroi gabimin e tij.
“OK, njerëz, um, më duhet t’ju kërkoj falje”, tha ai duke ecur drejt skenës, ndërkohë që Arevalo po përshëndetse fansat e saj, duke mbajtur buqetën e fitueses dhe shiritin “Miss Universe”.
“Shoqëruesja e parë është Kolumbia. “Miss Universe 2015” është Filipine”, deklaroi prezantuesi, duke sqaruar gabimin e bërë prej tij. Për të vërtetuar se faji ishte vetë i tiji, ai nxori para publikuat edhe letrën që shpallte fituesen, ku shënohej Filipine.
Në këtë mënyrë Pia Alonzo Wurtzbach u shpall fituese, ndërsa dy bukuroshet qëndronin konfuze në në mes të skenës.
“Unë marr përsipër përgjegjësinë, ishte gabimi im. Është në letër, një gabim i tmerrshëm, por mund t’ua tregoj”, tha Steve Harvey.
Në këtë mënyrë përfundimisht fituesja e këtij viti të “Miss Universe”, ishte përfaqësuesja e Filipines, Pia Alonzo Wurtzbach.
