Këngëtarja Çiljeta Xhilaga është rikthyer më një klip të ri, në bashkëpunim me artistin e ri nga Kosova që quhet Trimi. Kënga titullohet “BUBU” dhe është një krijim i kompozitorit Elgit Doda.
Përveç ritmit, melodisë dhe tekstit, ajo që bie në sy është veshja e Çiljetës, mjaft verore dhe me ngjyra. Ndryshe nga klipet e tjera ku shfaqej më provokuese, në klipin e fundit, Çiljeta është veshur me një fustan-këmishë të gjatë me ngjyra dhe një palë çizme me lidhëse mbi gju.
Një veshje tipike verore, por e njohur, pasi rreth dy javë më parë ia kemi parë moderatores seksi Einxhel Shkira. Ajo e ka publikuar foton në “Instagram”, ku shfaqet e veshur me të njëjtat rroba të Çiljetës, si dhe me të njëjtat çizme.
Nuk e dimë nëse është frymëzuar Einxheli nga Çiljeta ose e kundërta, megjithatë mund të themi se konkurrenca është e fortë mes vajzave.
