Kryeministri Edi Rama, nëpërmjet një postimi në Facebook ka njoftuar se të enjten do të jetë gati plani ekonomik në lidhje me krizën si pasojë e Koronavirusit.
Ai premton se në fund të muajit askush nuk do të mbetet pa pagesë dhe të gjithë do të kenë mbështetjen e qeverisë.
“JU LUTEM TË GJITHË ATYRE QË JANË NË SHTËPI PAS MBYLLJES SË AKTIVITETIT EKONOMIK, TË RRINË TË QETË DHE BËJNË DURIM, TË ENJTEN DO TË KEMI GATI PLANIN E GARANCISË FINANCIARE PËR KOMPENSIMIN E PAGAVE TË MUNGUARA TË ÇDO BIZNESI.
? NUK DO TË VIJË FUNDI I MUAJIT PA PAGËN E GJITHKUJT NDËR JU QË QËNDRON NË SHTËPI SI PASOJË E MBYLLJES SË BIZNESIT KU PUNON!
? DURIM JU LUTEM DHE BESIM QË PO PUNOJMË PAPUSHIM PËR TË MOS LËNË ASNJË VETËM NË PËRBALLIMIN E PASOJËS FINANCIARE TË MOSVAJTJES NË PUNË!”, njoftoi sot Rama.
Ky vendim i Ramës vjen disa ditë pasi diskutohet që Shqipëria do të përfshihet në një krizë ekonomike. Këto vonesa sigurisht që përkthehen në miliona të humbura për shkak të mbylljes së bizneseve, situatë kjo që mendohet se nuk do të kalohet edhe aq lehtë.
