Ajo është një nga meme-t më të famshme në botë këto dy vitet e fundit dhe është përdorur në situata nga më të ndryshmet, që nga ato në lidhje me dashurinë deri te Brexit, apo në rastin e provimeve dhe studentëve.
Megjithatë, “meme-ja e të dashurit të shpërqendruar”, që tregon një të ri që sheh një vajzë që kalon ndërkohë që ka të dashurën në krah, është kritikuar se është tepër seksiste nga një agjenci suedeze për mbikëqyrjen e reklamave.
Përdorimi i kësaj meme-je nga një kompani rekrutimi i punonjësve të rinj, është fyese për të dyja gjinitë, meshkujt dhe femrat.
Bahnhof, një kompani interneri në Suedi postoi meme-n me titujt: “Puna jote aktuale”, “Ti” dhe “Bahnhof”.
Meme-ja e cila u publikua në verën e vitit 2017, u publikua në Facebook së bashku me një titull që inkurajon njerëzit që të aplikojnë për punë si “shitës, teknikë dhe dizajnerë të aftë të web-it”.
“Ajo i portretizon gratë si objekte të ndërrueshme, pasi vetëm pamja e tyre është interesante”.
“Sipas komitetit, objektivizimi është përforcuar nga fakti se femrat janë caktuar si përfaqësuese të vendeve të punës ndërsa mashkulli, si një individ”.
Megjithatë ata gjithashtu theksuan se kjo meme nuk është vetëm degraduese për gratë, por edhe për meshkujt:
“Kjo jep përshtypjen se burrat mund të ndryshojnë partnerët femra në të njëjtën mënyrë siç mund t’i ndryshojnë vendet e punës”.
Burimi: Independent
