Pas ditësh me rritje të ndjeshme të numrit të të infektuarve, Kosova ka rënë sërish në qetësi.
Dy ditët e fundit janë regjistruar më pak raste të reja të infektuara me Covid-19, ndërkohë që numri i të infektuarve është 630.
Megjithatë, Klinika Infektive e Kosovës bën të ditur se një person ka humbur jetën sot për shkak të Covid-19.
Gjendja e pacientit nga Prizreni ishte e rënduar që në fillim, kur u shtrua në spital më datën 13 të muajit prill.
Kështu, numri i jetëve të humbura në Kosovë për shkak të Covid-19 fatkeqësisht ka shkuar në 19.
Njoftimi i plotë:
Prishtinë, 23.04. 2020
Klinika Infektive njofton se, sot në orët e pasdites, në Mjekimin Intensiv të kësaj klinike ka përfunduar me vdekje pacienti K. Q. (1967) nga Komuna e Prizrenit.
Pacienti ishte hospitalizuar në Klinikën Infektive të QKUK-së në Prishtine më 13.04.2020 dhe që nga fillimi ka qenë në gjendje shumë të rënde dhe në përkujdesje intensive.
Tek i sëmuri, gjate ecurisë së sëmundjes janë zhvilluar ndërlikime si pasojë e Covid -19, të cilat edhe përkundër të trajtimit intensiv, pamundësuan që pacienti t’i mbijetoi sëmundjes.
Kjo është vdekja e katrëmbëdhjetë nga Covid-19 në Klinikën Infektive të QKUK-së dhe e 19-ta në nivel shteti.
Me respekt,
Divizioni i Komunikimit me Publikun-Msh
https://www.facebook.com/shskuk.rksgov.net/posts/2570286396621484?__xts__[0]=68.ARDNOvZT1Rku_-Uax3rzHjofPA-e004N3TifZLTqnYK-1pCCiha8DWvGMaJonAj5QVmrGBb3l6Kb1qVzF71-Em-J5BEYNiI_eBGza64yS4TjJ1rhi2Pm8mW3HC2ppAe1wGRchHR0vHvRvdy2Ho7Wy0nuSSZb8MV7KfXtNANkVyUFc-Yrc15PSB2G867Req2OfduTgmGfjprRrcoCWoAFN-fDOn4zxnma9jmgOpubT_rTqj7Jg0G7lu7DqmRl-JLZvtmdEfVmpIMxE3n5vFT34ivGTEkfKNQ_LF8KhpPYVZWE2N2RVNWZWUpPUpD3vUDAmRWLJC3sxo-Cy7vBWNHlZ5o4&__tn__=-R
