Numri i të vdekurve nga shpërthimi i koronavirusit ka arritur të kalojë shifrën 900.
Vetëm gjatë ditës së dielë kanë ndërruar jetë mbi 100 persona dhe ky numër ka alarmuar botën.
Tashmë virusi ka kaluar shifrat e virusit SARS, që u përhap në Kinë në vitin 2003.
Nga virusi SARS vdiqën 774 persona dhe deri pak kohësh njihej si virusi që kishte marrë më shumë jetë.
Shumica e vdekjeve janë shënuar në territorin kinez, megjithatë ka pasur viktima edhe në shtetet e tjera që kanë të infektuar.
Kina ka hapur dy spitale për të kontrolluar virusin dhe ditën e sotme mbërrijnë ndihmat e para me medikamente nga shtetet e tjera.
