Big Basta dhe Vesa Luma, një prej çifteve më të dashura dhe ikonike të muzikës shqiptare, duket se po përballen me një stuhi në jetën e tyre private. Spekulimet për një krizë martesore kanë nisur që pas hyrjes së reperit në spektaklin televiziv “Ferma VIP 2”, një vendim që, sipas burimeve pranë çiftit, nuk është mirëpritur nga Vesa.
Një detaj që ngjalli shumë reagime ndodhi kur Big Basta u pyet gjatë spektaklit se për kë do ta kishte më shumë mallin gjatë qëndrimit në fermë. “Për djalin,” u përgjigj ai, ndërsa kur moderatorja Luana Vjollca e pyeti më tej: “Vetëm për djalin?”, ai shtoi shkurtimisht: “Edhe familjen,” pa përmendur në asnjë moment emrin e bashkëshortes.
Kjo heshtje ndaj Vesës, e shoqëruar me mungesën totale të postimeve mbështetëse nga ana e saj në rrjetet sociale, ka thelluar më tej dyshimet për një largim emocional mes tyre. Madje, edhe kur gjatë një mbrëmjeje në fermë u vendos një nga këngët e Vesës dhe Big Basta nisi të këndojë e kërcejë me banorët, përshëndetja e tij ishte sërish vetëm për djalin e tyre, Lian, duke lënë jashtë bashkëshorten.
Sipas “Panorama Plus”, burime pranë çiftit kanë konfirmuar se marrëdhënia e tyre po kalon një periudhë të ftohtë, e cila është nxitur pikërisht nga vendimi i reperit për të marrë pjesë në reality show-n.
Kjo vjen si një kontrast i fortë me vetëm pak muaj më parë, kur çifti u shfaq i bashkuar në Paris për të kujtuar ditën e propozimit. “12.12.12 në orën 12:00” ishte momenti kur Big Basta i propozoi Vesës në Kullën Eiffel – një kujtim që ata e rigjetën me të birin 12 vite më pas.
Në një postim emocionues, Vesa kishte shkruar:
“Para 12-vjetësh… bëri propozimin më të bukur në botë… Sot, më datë 12.12.24, në orën 12:00 u rikthyem me frytin e dashurisë në të njëjtin vend.”
Por duket se pas kësaj pamjeje idilike, sfida të reja kanë trokitur në jetën e tyre. Me Big Bastën që tashmë ndodhet në sytë e publikut dhe Vesën që zgjedh heshtjen, mbetet për t’u parë nëse kjo është thjesht një krizë kalimtare apo hapi drejt një ndarjeje përfundimtare.
