Një skemë mashtrimi në gjimnazin “Qemal Stafa” është zbuluar së fundmi që kishte për qëllim përfitim prej nxënësve duke pretenduar se do ju jepte atyre bursa studimi në Shtetet e Bashkuara të Amerikës. Kliko këtu
Pjesë e kësaj skeme ishte dhe drejtoresha e shkollës Klotilda Jaupi dhe zyrtarja arsimore Valentina Lamaj kishin krijuar një projekt të ashtuquajtur “Let’s Talk Together About US24″, i cili pretendohej se ishte ngritur nga një zyrtare arsimore në nivel vendor, pjesë e Drejtorisë së Përgjithshme të Arsimit Parauniversitar në Ministrinë e Arsimit dhe Ambasadës Amerikane në Shqipëri.
Mirëpo sipas JOQ, është zbuluar se organizatore e këtij grupi ka qenë një vajzë e cila quhej Klea Rama dhe prezantohej si mbesa e Kryeministrit Edi Rama.
Ajo zotëronte në what’s app një numër amerikan, ku në profilin e saj gjendej një fotografi e një vajze e marrë në internet dhe ajo i shtynte nxënësit të aplikonin për këtë projekt, që me shumë mundësi në fund do të paguanin edhe para dhe do të mbeteshin pa asnjë bursë studimi.
Mirëpo pas zbulimit të këtij skandali, për çudi Klea nuk gjendet gjëkundi… Ajo nuk është më pjesë e grupit dhe ka mbyllur çdo rrjet social që kishte për të komunikuar me nxënësit që i mashtronte.
Sipas raportimeve të bëra për JOQ nxënësit kanë dhënë shumë të dhëna, si foto, numër telefoni dhe numrin e llogarisë bankare.
