Pavarësisht divorcit, Klaudia Pepa dhe Albi Nako duket se vijojnë të ruajnë një marrëdhënie mjaft të mirë me njëri-tjetrin.
Koreografi ishte i ftuar në emisionin “Rudina”, ku foli për marrëdhënien e tyre pas divorcit. Gjithashtu nuk mungoi edhe një videomesazh i Klaudias. Pas fjalëve të saj, Nako nuk i ka mbajtur dot lotët, ndërkohë që balerina e ka cilësuar si vëllain e madh.
“Unë e di se kush është sot aty dhe dua të bëj një përshëndetje për një person të dashur, për maestron, për shokun dhe vëllain tim të madh. Respekt dhe mirënjohje gjithmonë për ty Albi dhe për familjen tënde të mrekullueshme. Përqafime”, tha Klaudia në videomesazh.
Por kaq mjaftoi për nxitur komentet e ndjekësve, të cilët e cilësuan si të pakonceptueshme që ish-bashkëshorti të cilësohet si vëlla.
Burimi: Iconstyle.al
