Prej dy vitesh një kineze ka hapur biznesin e saj në Elbasan.
46-vjeçarja jeton në Elbasan së bashku me familjen e saj, por së fundmi ka vizituar Kinën.
Ajo ka shkuar atje për të festuar Vitin e Ri Kinez, por thotë se më 13 shkurt do të kthehet sërish në Shqipëri, pasi ka biznesin e saj.
Uejhua Li tregon se në qytetin ku ajo jeton në Kinë, Zheijang, janë 5 të prekur nga virusi, megjithatë ajo dhe familja e saj është e sigurt.
Për “Report TV” ajo ka treguar edhe situatën në Kinë.
“Përshendetje. Unë jam duke folur nga Shaoxing, Zheijang. Ne jemi shumë të sigurt këtu. Dalim fare pak nga shtëpitë tona. Asnjë nga familjarët e mi nuk është infektuar fatmirësisht. Unë do të kthehem në Shqipëri në datën që kam planifikuar. Kam informacion se rreth 5 persona janë të prekur në vendin ku unë jetoj. Kam më shumë se dy vite që punoj dhe jetoj në Elbasan ku jam edhe administratore e biznesit tim” tha ajo për “Report TV”.
