Të gjitha kemi pasur ato ditë ku ndihemi sikur ka më shumë flokë në dyshemenë e dushit sesa në kokat tona. Dhe ndërkohë që disa rënie floku janë normale, Akademia amerikane e Dermatologjisë thotë se ne humbasim rreth 50 deri në 100 fije floku çdo ditë. Ndërkohë që mosha, stresi dhe hormonet mund të shkaktojnë humbjen e flokëve, a e keni marrë në konsideratë ndonjëherë faktin se gabimi që po bëni është duke shkaktuar rënien e flokëve?
1.Zgjatimet e flokëve shumë të rëndë
Aksesorët e rëndë që vendosen në flokë si zgjatimet (extensions), peshojnë tek fijet dhe shkaktojnë daljen e tyre nga rrënja, ndaj mundohuni të zgjidhni zgjatime cilësore, që nuk kanë shumë peshë.
2.Krehja me tharëse kur flokët janë të lagur
Krehja e flokëve me tharëse në momentin që flokët janë të lagur është një formë torture. Kjo pasi në gjendje të lagur, flokët janë shumë më delikatë dhe tërheqja e kombinuar me nxehtësi shkakton shkuljen e tyre.
3.Përdorimi i lidhëseve të gabuara
Kapja e flokëve bisht me një lidhëse jo të përshtatshme mund të ndikojë në rënien e flokëve. Mundohuni t’i zgjidhni lidhëset sa më elastike dhe të mbuluara me një material si rrobë, sepse pjesa e llastikut kap fijet dhe shkakton këputjen e tyre
4.Përdorimi i vazhdueshëm i pajisjeve me nxehtësi
Një gjë e tillë mund të destabilizojë strukturën e flokëve, duke shkaktuar dobësimin e fijeve dhe rrjedhimisht këputjen e tyre.
Burimi: Womens Health Mag
