“Kepi i Tundimeve” është emisioni më i ri në Top Channel i cili nisi transmetimin mbrëmjen e sotme.
Olsa, njihet si autore e programeve të suksesshme në “Top Channel”, por a ja doli ta rikrijonte si duhet emisionin e ri?
A ishte emisioni i bazuar tërësisht në versionin e “Too Hot to Handle” i cili transmetohet në Netflix apo u përshtatet disi për publikun dhe shikuesit shqiptar?
Jo vetëm që nuk pamë asgjë të re, por pamë një imitim super të keq të versionit anglez. Imitimi shihet në çdo detaj, duke nisur nga këndi i kamerës, personazhet dhe mënyra se si ata flasin dhe japin komentet e tyre.
E nëse do na duhet të flasim për komentet, këto të fundit lenë shumë për të dëshiruar. Komente vulgare aspak të përshtatshme për një format i cili transmetohet në një televizion publik dhe shihet nga fëmijë të të gjitha moshave.
“Netflix” këto lloj formatesh i transmeton vetëm në platformën e tij për të cilën duhet të paguash për të patur akses.
Si rrjedhojë jo të gjithë mund të kenë akses, sidomos fëmijët pasi opsioni “parental control”, i pengon ata të shohin emisione jo të përshtashme për moshën e tyre.
Por çfarë ka bërë Olsa Muhameti, cilat janë masat që ajo ka marrë për të mos lejuar fëmijët të shohin “imitimin” e saj? Asgjë.
E gjitha mund të përshkruhet si një shthurje, gjëja e fundit që i duhet shqipërisë në këto momente. Nuk ka asnjë mesazh apo diçka me vlerë për të cilën ja vlen të transmetohet ky program./iconstyle.al