“Një herë martohesh”, thamë pak muaj më parë, në shtator, kur Xhensila Myrtezaj veshi këpucët “Jimmy Choo” nga koleksioni i këpucëve të Hirushes që kushtonin 3,495 euro.
Por duket se këngëtares i pëlqen shumë të shpenzojë dhe nuk kursen aspak për paraqitjen e saj, as kur realizon videoklip. Në klipin e fundit, “Çelsi i zemrës”, Xhensila Myrtezaj ka veshur një pallto të kuqe që kushton gati 3590 dollarë.
Pikërisht kjo pallto, që është edhe në ngjyrë bezhë, ka qenë zgjedhja e shumë personazheve publike, kryesisht Kim Kardashian, që e ka veshur në shumë prej daljeve të saj publike.
“Teddy Bear Icon Coat” e Max Mara-s kushton 3,590 dollarë, por mund të gjendet edhe më lirë falë uljeve të aplikuara në fundvit. Xhensila e ka veshur në klipin e ri, dhe ne mund ta shijojmë për vetëm 20 sekonda që ajo shfaqet në video duke luajtur me borë.
Veshja e saj e sponsorizuar mund të ketë qenë me të drejtë kthimi, ashtu siç veprojnë të famshmit për realizimin e klipeve. Megjithatë, ne ju sjellim disa foto nga afër të palltos, për ta shijuar ashtu siç duhet:
