I fshehur pas bashkëshortes së tij me një vështrim poshtë, Kanye West duket shumë larg lumturisë.
Ikona e muzikës shoqërohej me Kim Kardashian për një darkë mbrëmjen e së dielës, duke shënuar në këtë mënyrë paraqitjen e tyre të parë bashkë si çift, që kur ai u shtrua në spital muajin e kaluar.
Darka ishte e qetë, pavarësisht se Kim nuk dukej shumë në terezi, pasi nuk u dhuroi asnjë buzëqeshje fotografëve.
Në fakt çifti më në fund u ndje i relaksuar menjëherë sapo hynë në makinë. Një dëshmitar tha për “DailyMail”: “Menjëherë sapo hynë në makinë ata po qeshnin, plotësisht të qetë dhe thjesht shijuan njëri-tjetrin”.
Çifti shpenzoi vetëm një orë në darkën romantike. Mungesa e entuziazmit të tyre është e kuptueshme, ata kaluan një vit të tmerrshëm, që nga grabitja e Kim në Paris, trauma e saj dhe më pas shtrimi i Kanye në spital pas një krize nervore.
Ndërsa “E! Neës” dalloi një ditë më parë, të shtunën, një detaj te Kim: 36-vjeçares i mungonte një bizhuteri. Ndërsa po udhëtonte me djalin e saj 1 vjeç, Kim u shfaq pa unazën e saj të fejesës së dhënë nga bashkëshorti Kanye West, ndërsa në vend të saj kishte unazën rreth floriri.
Por duket se Kim refuzon të vendos unazën me diamant 20-karatësh, të ngjashme me atë që i grabitën, pas ngjarjes së Parisit.
*Shfleto galerinë
Burimi: Daily Mail
