Joz Marku ka folur më shumë rreth marrëdhënies së tij me Loredanën, e cila ka filluar brenda shtëpisë së Big Brother. Gjatë një interviste në “Wake UP”, ai shprehu shqetësimin e tij për faktin që Loredana hoqi unazën, e cila ishte simbol i lidhjes së tyre.
“Unaza nuk është ajo që më mban të lidhur me Lorin. Në shtëpi e kam unazën, por shpesh e harroj, pasi nuk jam mësuar. Tani e harroj shpesh. U mërzita kur Loredana e hoqi unazën, u mërzita shumë,” tha ai gjatë intervistës.
Ai gjithashtu ka folur për dasmën me Loredanën, duke e quajtur atë një kujtim të paharrueshëm: “Dasma me Lorin është një kujtim i paharrueshëm. Dasma është kulmi i çdo gjëje. Nuk dihet si do shkojnë gjërat, por është krijuar një pëlqim, dhe do të mbetet për t’u parë jashtë për t’u njohur më mirë. Do t’i kisha ftuar ata që kisha edhe aty brenda në dasmë. Divanin blu nuk do ta kisha ftuar,” tha ai.
Këto ditë, Loredana ka mbajtur një qëndrim të rezervuar në lidhje me marrëdhënien e saj me Jozin, pas disa informacioneve që ka marrë jashtë shtëpisë. Ajo kishte marrë disa informacione pasi kishte hapur një nga kutitë e emergjencës, ku humbi një shumë prej 20 mijë eurosh.
Pritet të shihet nëse marrëdhënia e tyre do të vazhdojë edhe jashtë shtëpisë.
