Ish-deputetja e Partisë Demokratike, Jorida Tabaku ka humbur gjyqin përballë kryebashkiakut të Tiranës, Erion veliaj, pas akuzës për shpifje ndaj kreut të Bashkisë Tiranë.
Gjykata e Rrethit Gjyqësor Tiranë i ka kërkuar të pandehurës që të paguajë edhe një gjobë prej 500 mijë lekësh të rinj, si dhe shpenzimet gjyqësore dhe ato avokatore.
Sipas Gjykatës së Tiranës, ish-deputetja demokrate ka folur gjatë një konference shtypi, ku kishte deklaruar se projekti i Unazës së Madhe është një projekt korruptiv i Veliajt dhe kryeministrit Rama, duke i akuzuar ata për ndryshimin e planit për përfitime personale.
Pas shpalljes fajtore ajo është e detyruar t’i paguajë Veliajt një shifër prej 500 mijë lekësh, një shumë kjo që sipas kryebashkiakut do të shkojë direkt në “Fondin e Edukimit”, i krijuar për të mbështetur çerdhet, kopshtet, bibliotekat e shkollave, nxënësit e mirë të çdo komuniteti, me libra, kompjuterë apo materiale mësimore.
Pak kohë më parë, Veliaj ka fituar gjyqin edhe me Albana Vokshin, të cilën e kishte akuzuar gjtihashtu për shpifje.
/Iconstyle.al
