Trupi që u gjet nga avioni i shkatërruar konfirmohet se është i futbollistit Emiliano Sala.
Lajmi u mësua pas vërtetimit nga raporti i fundit mjeko-ligjor, ndërsa familjarët e Salës dhe të pilotit David Ibbotson u njoftuan para se të bëhej publike.
“Trupi i sjellë në Portland Port, të enjten më 7 shkurt 2019, është identifikuar zyrtarisht dhe është i futbollistit profesionist Emiliano Sala. Familja e z.Sala dhe e pilotit David Ibbotson janë njoftuar me këtë lajm dhe do të vazhdojnë të mbështeten nga oficerët e trajnuar posaçërisht për familjet në këto raste. Mendimet tona mbeten me ta në këtë kohë të vështirë”, thuhej në njoftimin e policisë.
28-vjeçari Emiliano Sala po udhëtonte për në Cardiff në një avion ku ndodhej vetëm me pilotin, i cili u zhduk në zonën e Kanalit anglez më 21 janar.
