Nëse vazhdimisht jeni duke pritur për flokët perfektë, duhet të filloni të mendoni se ku e bëni gabimin me flokët tuaj.
“Cosmopolitan” ka pyetur stilistët më të mirë të flokëve se cili është sekreti i të paturit flokët perfektë dhe ata kanë dalë në konkluzionin se janë një sërë veprimesh që një grua me flokë të shëndetshëm bën. Ja disa veprime që do ju ndihmonin.
1. Shmangni nxehjen e flokëve
Të tregohemi të sinqertë, të gjitha e dimë se sa mirë ndihemi pasi kemi përdorur pjastrën apo mashën për flokët tanë. Michael Duenas sugjeron bikutinat për flokët pasi nuk duhen nxehur dhe do krijonin ondet e duhura. Përse të mos e provojmë?
2. Mbajini flokët pastër
Jemi të sigurtë se keni dëgjuar për lëvizjen botërore që po bëhet kundër përdorimit të shampos. Scott Fontana thotë se në mënyrë urgjente ajo lëvizje duhet të mbarojë. Përsa kohë gratë përdorin produkte me kualitet të mirë për flokët e tyre, nuk ka asnjë problem.
Nëse nuk jeni të sigurta se sa shpesh duhet të lani flokët, dermatologu Jeffrey Miller thotë se nëse jetoni në qytete të mëdha e të ndotura, duhet të lani flokët çdo ditë, e nëse jetoni në zonë rurale, mund t’i lani edhe njëherë në dy ditë.
3. Përdorni zbutës
Lëkura e flokut tuaj ka nevojë për fërkim dhe krem ashtu si lëkura e fytyrës tuaj. Riawana Capri thotë se sa herë që përdorni shampoo, duhet patjetër të përdorni edhe krem për flokët tuaj.
Nuk mbaron vetëm me pjesën e dushit edhe pas tharjes së flokëve, duhet të përdorni krem mbrojtës që do të mbronte flokët nga tharja.
4. Mos ndërroni produktet
Është thashethem fakti që ndërrimi shpesh i shampove do të mbronte flokun tuaj. Ekspertët thonë se duhet të qëndroni besnik ndaj produktit që përdorni. Nëse e gjeni se çfarë funksionon më së miri për flokët tuaj, mos iu ndani atij. Floku juaj arrin të dallojë ndryshimin dhe nuk i pëlqen kjo gjë.
5. Ushqimi i duhur
Nëse mendoni se ushqimi ndikon vetëm në peshën tuaj, është gabim. Sipas Dr. Robert Dorin ushqimi që ju merrni çdo ditë ndikon në mirëqënien e flokëve tuaj. Një dietë e pasur me hekur, zink, omega 3 dhe peshk ndihmon në kujdesin ndaj flokëve.
6. Limitoni kohën në diell
Ju mund ta dalloni edhe vetë dëmtimin që sjell dielli në flokët tuaj. Edhe nëse nuk e kuptoni me qëndrimin ditor në diell, mund ta kuptoni me kalimin e kohës. Për të ndaluar atë që dielli u bën flokëve tuaj, Rik Rak, mjeshtri i stilimit të “Marcelo” thotë se duhet të lini flokët me balsam të paktën një ditë pas qëndrimit në diell.
Nëse jeni drejtuar për në plazh aty ku e nxehta do të vijë nga çdo anë, gjeni produktin që të mund të lyeni flokët tuaj përpara se të drejtoheni për në plazh.
7. Uji duhet të jetë i ftohtë
“Kur jeni duke larë flokët, përpiquni që uji të mos jetë shumë i ngrohtë”, -thotë David Edery. Uji i nxehtë mund të ulë volumin e flokëve tuaj. Në vend të ujit shumë të ngrohtë, mundohuni të gjeni një temperaturë që ju bën të ndiheni comfort, por jo nxehtë. Kur vjen puna tek balsami i flokëve, sa më i ftohtë uji, aq më mirë.
