Vazhdon të jetë tragjik bilanci i viktimave në Itali. Sipas të dhënave të publikuara nga departamenti i Mbrojtjes Civile në vend, vetëm brenda 24 orëve kanë ndërruar jetë 681 persona si pasojë e koronavirusit.
Kështu, numri i përgjithshëm i viktimave në vend rritet në 15,362.
Raste të reja të konfirmuar me COVID-19 janë shënuar 4, 805 persona, ndërsa në total numri i të infektuarve ka arritur në 124,632.
Edhe pse shifrat mbeten shqetësuese vihet re një ulje në numrin e të infektuarve dhe viktimave gjatë ditës së sotme.
Një ditë më parë, numri i të infektuarve ishte 4,585, pra 220 raste më pak. Ndërsa numri i viktimave të premten ishte 766, pra gjatë ditës së sotme kanë humbur jetën 85 persona më pak.
Tashmë vihet re se kurba është në rënie dhe Italia ka kaluar kulmin e të prekurve.
