Itali: Ulet ndjeshëm numri i të infektuarve brenda 24 orëve të fundit, ja sa viktima u shënuan

Në dallim nga dita e djeshme, Italia sot ka regjistruar më pak jetë të humbura për shkak të Covid-19, ndërsa kurba vijon të jetë e paqëndrueshme.

Brenda 24 orëve të fundit, shteti fqinj ka regjistruar 578 jetë të humbura, ndryshe nga dje kur u shënuan 602 viktima.

Lexo edhe :

Filmi “Odisea” i Christopher Nolan rikthen Homerin në modë, shitjet e librave rriten me 1.400% dhe Shqipëria bëhet pjesë e historisë

12:35 30/07/26

“Çdo ditë zgjohesha me frikë”/ Nara Smith rrëfen ankthin e fshehjes së diagnozës së kancerit të vajzës: Kisha tmerr se do të zbulohej në internet

22:11 29/07/26

Gjithashtu, lajmi i mirë është se numri i rasteve të infektuara vazhdon të ulet nga dita në ditë.

Sot, Italia ka konfirmuar 2,667 persona të infektuar me Covid-19, ndërkohë që qeveria bën thirrje që të tregohet ende kujdes maksimal.

Numri total i të prekurve në shtetin fqinj është 165,155, ndërsa 21,645 persona kanë ndërruar jetë.

Disa ditë më parë qeveria italiane njoftoi ndryshimin e strategjisë për luftën ndaj COVID-19, duke miratuar një plan me 5 pika:

1. Distancim social
2. Mjete mbrojtëse për të gjithë spitale COVID në të gjithë territorin kombëtar
3. Përforcim i rrjeteve shëndetësore lokale
4.  Studim për të kuptuar sa janë prekur
5. Një aplikacion si modeli i Koresë së Jugut, për të verifikuar kontaktet e personave të infektuar.